Aliyek din a ronahiyê
Derbarê pêşangehê de
Hinek pencereyên kêmpeyda -ku ji geçê çêkirî û bi parçeyên caman xemilandî-di odeyên pêşwaziyê yên koşkên Ebasiyan de li bajarê Reqqayê hatin vedîtin. Ev vedîtin bêhempa ye ji ber ku di cihên din ên hevdem de jimareke mezin ji van pencereyên weha nehatine dîtin. Dîzayna pencereyan ji çarçoveyên çargoşe yan girover ku ji geçê hatine çêkirin, kunên piçûk û girover tê de hene. Xuya ye ku ev pencere li jora deriyên koşkan dihatin bicihkirin.
Pencere bi camên piçûk ên cihêreng û xweşik hatine nixumandin; Di nav de rengê pembe, keskê ronî û tarî, şînê ronî û tarî, spiyê zelal, zer û hingivîn jî hebûn. Di ortê de, hûrgiliyên tevlihev ji parçeyên geçê bi dîzaynên girover û xaçkirî de lê hatine zêdekirin. Bi gelemperî cam spî û zelal bûn, bi gulinên reş yan qalibên endazyarî dihatin sepandin. Pencereyên din bi forma hêkê bûn û bi neqşên şax, fêkî yan pelên piçûk ên daran hatibûn xemilandin.
Ev çarçove di vê dîzaynê de hinekî stûr bûn, ji ber ku cam nêzîkî keviyekê hatiye danîn (ev di wêneya paşîn de xweş diyar e). Aliyê xuyayî bi rengê reş hatiye boyaxkirin, û dibe ku ev kar ji bo zêdekirina bandora ciwankariyê ya dîzaynê hatibe kirin. Ev dîzayn ji toreyên tevlihev ên pencereyan cuda ye, wek ên ku di koşkên Umewî yên destpêkê de an Mizgefta Umewî ya Mezin li Şamê, ji mermerê hatine çêkirin, ku dibe camên pencereyan jî hebin û berguman e ku vekirî diahtin hiştin.
